Video: Fólk í túsundatali fylgd úr Royal Arena

Royal Arena, sum liggur beint við síðuna av Fields, skuldi sunnukvøldið klokkan 20 vera karmur um stórsligna konsert við poppsangarinum Harry Styles.

Umleið 16.000 atgongumerki vóru seld, og salurin var fullur av spentum konsertgestum. Men einki hendi, sum tað skuldi, sunnudagin. Trý fólk vóru dripin í skottilburði í handilsmiðstøðini Fields, eftir ein maður skeyt frá hond. 

Í fyrsta umfari fingu konsertgestirnir at vita, at konsertin var útsett ein tíma, tí at skottilburður hevði verið í Fields. Eisini var boðað frá, at fyriskipararnir arbeiddu tætt saman við løgregluni, soleiðis at trygdin var í hásæti, og at arbeitt var við at fáa síðstu gestirnir inn í salin. Men stutt eftir boðaði løgreglan frá, at konsertin var avlýst.

Tey fleiri túsund fólkini vóru síðani við hjálp frá løgregluni beind yvir til metro-støðina, har tok koyrdu teir mongu gestirnar til Vanløse, sum livandi myndirnar niðanfyri eisini vísa. 

Nakað eftir konsertin var avlýst, skrivaði Harry Styles á Twitter:

I’m heartbroken along with the people of Copenhagen. I adore this city. The people are so warm and full of love.

I’m devastated for the victims, their families, and everyone hurting.

I’m sorry we couldn’t be together. Please look after each other. H

— Harry Styles. (@Harry_Styles) July 3, 2022