Landssjúkrahúsið skal hava nýggjan CT-skannara

Landssjúkrahúsið skal hava nýggjan CT-skannara.

Sambært útboðnum skal skannarin klára allar vanligar CT-kanningar og eisini vera útgjørdur til at skanna hjørtu.

Frestin at koma við tilboði er til 15. august. 19.september verður kunngjørt, hvør veitarin verður.

Skannarin, sum verður brúktur, skal ofta hava ábøtur, og tað hevur við sær, at sera dýrir eykalutir mangan skulu keypast.

Men fyri at fáa nýggjan CT-skannara er neyðugt at gera hóskandi høli.

Í november fjør játtaði løgtingið 13,2 milliónir krónur til CT-skannaran.