Minst arbeiðsloysi í Norðoyggjum og Eysturoy

Arbeiðsloysið í Føroyum er í løtuni minst í Norðoyggjum og Eysturoy.

Sambært nýggjastu uppgerðini hjá Hagstovuni, var arbeiðsloysið í bæði Norðoyggjum og Eysturoy 0,5 prosent í apríl.

Hinvegin, so er arbeiðsloysið størst í Suðuroy, har tað sambært uppgerðini er 2,1 prosent.

Í Suðurstreymoy er tað 1,0 prosent, í Vágum og Sandoy 0,9 og í Norðurstreymoy 0,7.

Klaksvík, Reyð tøl

Frítekst tagging: 

Klaksvík

skuld

Søguliga lítið arbeiðsloysi

Arbeiðsloysið er í løtuni søguliga lítið. Miðal fyri alt landið er, sambært nýggjastu uppgerðini, 0,9 prosent.

Søguliga hava tað ongantíð verið færri arbeiðsleys í Føroyum enn nú, so langt aftur, Hagstova Føroya hevur skrásett tølini.

Hagstovan hevur skrásett arbeiðsloysið síðani apríl 1995. Tá var arbeiðsloysið 14,9 prosent.

Fólk eru at meta sum arbeiðsleys, tá ið tey eru skrásett hjá Arbeiðsloysisskipanini og Almannaverkinum, og tey eru fult tøk at arbeiða og eru arbeiðssøkjandi.