Frítekst tagging:
- Tíðindi, mentan og ítróttur
Tórshavnar kommuna ynskti sjálv at fáa bygt eitt stórt P-hús í miðbýnum
Tórshavnar kommuna ynskti sjálv at fáa bygt eitt stórt P-hús í miðbýnum
Nú er komið fram, at tað var Tórshavnar kommuna sjálv, og ikki Gullak Madsen, ið kom við hugskotinum at byggja eitt stórt parkeringshús beint við Steinatún í Havn
Stóra parkeringshúsið, sum ætlanin er at byggja beint við Steinatún í Havn, verður smáar 18 metrar høgt
25.07.2022 - 18:10
Felagið "Grannalív", sum umboðar fólk í niðara part av Tinghúsvegnum, Kongagøtu, Tungugøtu og Lucas Debesar gøtu í Havn, hevur verið á einum kunnand fundi við Tórshavnar kommunu um ætlanina hjá Gullak Madsen at byggja eitt stórt parkeringshús í miðbýnum.
Grannarnir, sum hava harðligani mótmælt ætlanini, fóru skelkaðir av aftur fundinum. Tað vísir seg nevniliga, at tað er er Tórshavnar kommuna sjálv, ið hevur ynskt at fáa eitt P-hús í økið.
Hetta kemur fram í tíðindaskrivi, ið felagið "Grannalív" hevur sent til fjølmiðlarnar.
Felagið "Grannalív" skrivar um fundin, at Heðin Mortensen, borgarstjóri, á fundinum kunnaði tey um, at tað var kommunan sjálv, sum var komin við uppskotinum at byggja P-húsið.
"Gullak Madsen hevði eitt ynski um at sleppa at byggja íbúðir á ogn sína, men kommunan hevur síðani yvirtalað hann um at byggja P-hús í staðin," skrivar "Grannalív".
Felagið "Grannalív" rør í tíðindaskrivinum framundir, at júst tann sannroynd, at tað er Tórshavnar komman, ið eigur hugskotið til eitt P-hús, ger tað lættari at broyta byggisamtyktina.
"Tá er lag á manni at pressa sitrónina í mun til broytingina av byggisamtyktini. Um kommunan fær “gávuna” frá Gullaki Madsen, P-húsið, so skal hann sjálvandi eisini sleppa at byggja sínar íbúðir oman á tekjuni á P-húsinum, og sostatt eisini broyta nettonýtslustigið frá 130% til 400%. Í staðin fyri at byggja 13 m til hæddar, sleppur hann nú at byggja 17,8 m í alt," stendur í tíðindaskrivinum frá felagnum "Grannalív".
Er kopiera
Nýggjastu sendingar í ÚV
Nýggjastu sendingar í SV
