Saudiarabia forvann fýra milliardir um dag upp á olju

Saudiarabiska tjóðaroljufelagið, Aramco, hevur ongantíð áður forvunnið so nógvar pengar, sum oljufelagið gjørdi í øðrum ársfjórðingi í ár.

Tað skrivar bretska kringvarpið, BBC, sambært DR.

Í juni, tá ið annar ársfjórðingur endaði, hevði felagið eitt avlop upp á 48,4 milliardir dollarar.

Upphæddin svarar til 355 milliardir krónur. Næstan fýra milliardir krónur í vinningi um dagin í apríl, mai og juni.

Russiska innrásin í Ukraina hevur fingið orkuprísir at hækka munandi, og tað hevur havt við sær, at saudiarabiska tjóðaroljufelagið, Aramco, sum er størsti útflytari av olju, hevur forvunnið milliardir.