Heitt vatn í Kollafirði skal hita bygningar

02.09.2022 - 08:30
AktueltSamfelag
Heitt vatn í Kollafirði skal hita bygningar
Tórshavnar býráð samtykti einmælt í gjár at brúka heita vatnið til hetta endamálið
Vatnið er 27 stig, og 16 tons renna upp um tíman. (Mynd: Jarðfeingi og Tórshavnar kommuna)
 

Heita vatnið, sum var funnið í 2014, tá jarðhitaboringar vóru á Lygnnesi í Kollafirði, skal hita bygningar hjá Tórshavnar kommunu.

Vatnið er 27 stig, og 16 tons renna upp um tíman.

Nú skal tað hita kommunalar stovnar við Sjógv. Tað fer at kosta 7,5 mió. kr.

Við Sjógv eru millum annað skúlin, ítróttarhøllin, svimjihylurin og læknaviðtalan.

Tórshavnar býráð samtykti einmælt í gjár at brúka heita vatnið til hetta endamálið.

 

Svarar til 350.000 litrar av olju

Orkan svarar til 350.000 litrar av olju, líka nógv sum Svimjihøllin í Gundadali, Eysturskúlin og Lágagarður brúka um árið í olju til upphiting, upplýsir kommunan.
   
Hóast vatnið verður brúkt til kommunalar bygningar, er framvegis hitaorka tøk til 125 sethús.

Umhvørvis- og Vinnumálaráðið letur eina millión til verkætlanina hjá Tórshavnar kommunu.

Men treytin er, at hon byrjar í seinasta lagi í triðja ársfjórðingi í ár, tað vil siga fyri 1.oktober.

Ein onnur treyt er, at Tórshavnar kommuna eisini letur eina millión krónur til verkætlanina.

Hon, milliónin, var játtað á býráðsfundinum í gjár.


 

Er kopiera
Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753