- Tíðindi, mentan og ítróttur
Danmark fingið koronuheilivág
Danmark fingið koronuheilivág
Í fyrstu syftu er talan um 720.000 skamtar frá heilivágsfyritøkuni Pfizer, og koppsetingin byrjar hálvan september
08.09.2022 - 08:52
Danski Serumstovnurin boðar frá, at fyrsta sendingin við heilivági fyri koronu er komin til Danmarkar, og tí fara heilsumyndugleikarnir undir at koppseta eldri fólk frá hálvum september sum ætlað.
Danski Serumstovnurin upplýsir, at talan er um 720.000 skamtar av heilivági í fyrstu syftu.
Talan er um heilivág frá heilivágsfyritøkuni Pfizer, sum er sama slag sum heilivágurin, ið fólk higartil hava fingið.
Nýggi heilivágurin er kortini lagaður til støðuna, sum nú er við koronu, ein sonevndur "boostari."
Magnus Heunicke, heilsumálaráðharri, upplýsir, at heilivágurin nú verður sendur til allar partar av Danmark, og í fyrstu syftu eru tað fólk yvir 85 ár, sum verða koppsett.
Nýggjastu sendingar í ÚV
Nýggjastu sendingar í SV