Javnstøðunevndin: Landsstýrismaðurin breyt javnstøðulógina

15.09.2022 - 09:35
AktueltSamfelag
Javnstøðunevndin: Landsstýrismaðurin breyt javnstøðulógina
Jenis av Rana setti ein mann í Kringvarpsstýrið í staðin fyri eina kvinnu, og hann er biðin um at rætta lógarbrotið
Jenis av Rana, landsstýrismaður, hevur brotið javnstøðulógina, sigur Javnstøðunevndin.
Mynd: Bjarni Árting Rubeksen  
 

Jenis av Rana, landsstýrismaður, breyt javnstøðulógina, tá hann setti ein mann í Kringvarpsstýrið í staðin fyri eina kvinnu, so nú eru fimm menn og tvær kvinnur í stýrinum.

Sambært javnstøðulógini skulu vera trý av øðrum kyninum og fýra av hinum kyninum í stýrinum.

Landsstýrismaðurin er biðin um at fáa lógarbrotið rættað innan tvær vikur frá 6. september.

Tað sigur Javnstøðunevndin í skrivi til løgmann um ummælið, sum hann fekk frá Uttanríkis- og Mentamálaráðnum um avgerðina hjá Jenisi av Rana at seta Símun Jóannesarson Hansen sum formann í kringvarpsstýrinum, tá Elin Winther Poulsen segði seg frá sum forkvinna.

Jenisi av Rana, landsstýrismaður, vil ikki gera samrøðu um málið. 

Hann skrivar í einari viðmerking, at ráðgevar hansara eru ikki samdir við niðurstøðuna hjá Javnstøðunevndini, og at talan er um eina ósemju, sum er um at verða loyst.
 

Landsstýrismaðurin í mentamálum setti Símun Jóannesarson Hansen sum formann í Kringvarpsstýrinum, tá Elin Winther Poulsen legði frá sær sum forkvinna. (Mynd: Bjarni Árting Rubeksen)

Er kopiera
Nýggjastu sendingar í ÚV
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Hósdag 8. desember
Morgunlestur hósdagur 8. desember 2022
148412
Hósdag 8. desember
LEITISSTEIN 06.12.2022
149084
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951