Sølvi Vatnhamar inn á miðvøllin

Tríggir nýggir spælarar byrja inni fyri Føroyar í Nations League-dystinum ímóti Turkalandii mun til dystin ímóti litavum hóskvøldið.

Í kvøld spælir Føroyar 4-5-1.

Søvi Vatnhamar, sum var leikbannaður seinast, kemur inn á sentrala miðvøllin fyri Klæmint Andrasson Olsen, sum fer út á beinkin at sita.

Heini Vatnsdal kemur inn í miðverjuna fyri Hørð Askham, og Teitur Matras Gestsson stendur í málinum í staðin fyri Gunnar Nielsen.

Føroyska liðið: Teitur Matras Gestsson; Viljormur Davidsen, Gunnar Vatnhamar, Heini Vatnsdal, Gilli Rólantsson; Meinhard Olsen, René Shaki Joensen, Jákup Biskopstø Andreasen, Sølvi Vatnhamar, Jóannes Bjartalíð; Jóan Símun Edmundsson