Mette Frederiksen: Hóttanarmyndin er nógv broytt

Hóttanarmyndin í heiminum er broytt, og fer bæði á trygdar- og verjuøkinum at hava við sær stórar og daprar tvístøður.

Tað er niðurstøðan í stórari frágreiðing, sum Mette Frederiksen, forsætisráðharri, legði fram fyrrapartin.

Ein verjupolitiskur greiningarbólkur hjá donsku stjórnini hevur arbeitt við málinum í langa tíð. 

Svein Magnason á føroysku uttanríkistænastuni hjá landsstýrinum hevur umboðað Føroyar í arbeiðsbólkinum.

Hóttanarmyndin er nógv broytt seinastu tíðina, og kann hava við sær, at nýtt jarntjald fer at klúgva Evropa.

Eisini sigur frágreiðingin, sum TV2 hevur fingið hendur á, at vandin fyri kríggi er munandi størri, og at heimurin verður ótryggari at liva í næstu árini.