Fyrrverandi tjóðbankastjóri fær nobelvirðisløn í búskapi

Fyrrverandi tjóðbankastjórin í USA, búskaparfrøðingurin Ben S. Bernanke, fær í ár nobelvirðislønina í búskapi, saman við Douglas W. Diamond og Philip H. Dybvig, sum eisini eru búskaparfrøðingar.

- Teir tríggir hava munandi bøtt um okkara fatan av bankum, tá tað snýr seg teirra leiklut og ávirkan á búskapin, serliga tá fíggjarkreppan herjaði, sigur Kongliga vísindaakademiið m.a. í grundgeving síni, skrivar Ritzau.

Ben S. Bernanke var tjóðbankastjóri bæði tá George W. Bush og Barack Obama vóru forsetar í USA.