- Tíðindi, mentan og ítróttur
Reiðarar ætla í Hægstarætt við málinum um manningar og kvotur
Reiðarar ætla í Hægstarætt við málinum um manningar og kvotur
Eystari landsrættur broytti í september dómin hjá Føroya rætti, og nú vil Reiðarafelagið sleppa í Hægstarætt, tí málið er prinsipielt
Procesbevillingsnævnet brúkar 14 til 16 vikur at viðgera umsóknir um at sleppa at royna mál í Hægstarætti.
11.10.2022 - 12:00
Reiðarafelagið hevur biðið Procesbevillingsnævnet um loyvi at sleppa í Hægstarætt við rættarmálinum um manningar og kvotur.
Tað var í lagi, segði Landsrætturin, tá landsstýrið í 2016 avgjørdi, at manningarnar ikki skuldu gjalda sín part av kvotunum á royndaruppboðssølum í 2016.
Eystari landsrættur broytti tí í september dómin hjá Føroya rætti.
Føroya rættur segði í januar í fjør, at Fiskimálaráðið gjørdi seg inn á sáttmálan hjá manningarfeløgum og reiðarum, tá landsstýrið bað løgtingið áseta við lóg, at manningarnar ikki skuldu vera við í kvotukeypunum.
Drúgv viðgerð
Reiðarafelagið vann í Føroya rætti. Men Eystari landsrættur gav Fiskimálaráðnum viðhald.
Reiðarafelagið er dømt at gjalda Fiskimálaráðnum 750.000 kr. í sakarkostnaði.
Nú hevur Reiðarafelagið søkt um at sleppa í Hægstarætt við málinum, tí málið er prinsipielt.
Procesbevillingsnævnet brúkar 14 til 16 vikur at viðgera umsóknir um at sleppa at royna mál í Hægstarætti.
Er kopiera
Nýggjastu sendingar í ÚV
Nýggjastu sendingar í SV
