Bretski forsætisráðharrin undir stórum trýsti

Tað leikar hart á í bretska undirhúsinum. 

Nýggi forsætisráðharrin, Liz Truss, er fyri hørðum atfinningum frá sínum egnu í Konservativa flokkinum. 

Flokkurin er í tvíningum, og nakrir limir í flokkinum hava alment boðað frá, at teir hava ikki longur álit á Truss. 

Millum teirra er Sheryll Murray, limur í Konservativa flokkinum og í Undirhúsinum, sum hevur sent inn Truss bræv um misálit.

11 aðrir limir í flokkinum siga seg heldur ikki hava álit á henni. 

Liz Truss og Jeremy Hunt

Liz Truss, forsætisráðharri, og Jeremy Hunt, fíggjarmálaráðharri. (Mynd: Ritzau Scanpix)

Fær 12 tímar aftrat

Í morgun fekk Liz Truss enn ein frammaná, tá ið Simon Hoare, limur í hennara flokki, segði alment, at Truss hevur 12 tímar til at bjarga sínum starvi.

Og Lord Ed Vaizey er uppaftur bersøgnari. Hann sigur, at einasta gongda leiða burtur úr hesum er, at Liz Truss leggur frá sær, og at tinglimir í Konservativa flokkinum velja nýggjan forsætisráðharra. 

Tróndur Herason Olsen, Tróndur Olsen

(Mynd: Bjarni Árting Rubeksen)

Hoyr Trónd Olsen, journalist í Kringvarpinum, taka saman um politisku støðuna í Bretlandi í útvarpstíðindunum: