Javnvág um fýra ár. Møguligt avlop kann brúkast til størri útgjald

Í 2026 skulu inntøkurnar og útreiðslurnar hjá Barsilsgrunninum javnviga.

Í 2026 heldur lógarfesta eftirlønargjaldið uppat at hækka.

Vísir tað seg eftir hetta, at yvirskot verður í Barsilsgrunninum, kann hugsast, at tann peningurin verður brúktur til at hækka útgjaldshámarkið. 
 
Tað stendur í viðmerkinginum hjá Umhvørvis- og Vinnumálaráðið um uppskotið um at hækka hámarksútgjaldið úr Barsilsgrunninum 2.000 kr. um mánaðin, úr 25.000 krónum upp í 27.000 krónur.

Inngjaldið hækkar eisini, 0,3 prosentstig, úr 0,86 prosentum upp í 0,89 prosent. 

Gott og ringt hugskot

Umhvørvis- og Vinnumálaráðið heldur hugskotið hjá akademisku fakfeløgunum um marka fleiri vikur við barsilspeningi til pápar og sammøður vera viðkomandi.

Men tað verður ikki tikið við í hesum umfari.

Umhvørvis- og Vinnumálaráðið er ikki samt við Føroya arbeiðsgevarafelag, sum vil hava hægri útgjald og fíggja tað við at stytta útgjaldstíðarskeiðið.

Hugskotið um at stytta tíðarskeiðið við barsilspeningi fyri at fíggja eitt enn hægri útgjald verður ikki gingið á møti á hesum sinni, sigur Umhvørvis- og Vinnumálaráðið.