Urd Johannesen skal samskipa mentanina í Runavíkar kommunu

Tað verður eitt fólk, ið kennir væl til staðið, sum skal samskipa mentanina í Runavíkar kommunu. 

Urd Johannesen er nevniliga uppvaksin á Glyvrum, sum er ein av teimum 15 bygdunum, ið tilsamans eru Runavíkar kommuna. 

Runavíkar býráð hevur nevniliga á fundi 3. november tikið avgerð um at seta Urd Johannesen í starv sum mentanarsamskipari hjá Runavíkar kommunu. 

Løkshøll

Við starvinum fylgir høvuðsábyrgd fyri virkseminum í Løkshøll, umframt samskipan av mentanartiltøkum kring um í Runavíkar kommunu, sum telur 15 bygdir.

Væl skikkað

Urd Johannesen er sjáldsama væl skikkað til starvið sum mentanarsamskipari í Runavíkar kommun. 

Urd Johannesen er útbúgvin cand.mag í enskum og altjóða viðurskiftum, og so er hon master í Arts Management og hevur drúgvar  og fjølbroyttar royndir innan mentanararbeiði bæði á mentanarstovnum og sum sjálvstøðug.

Urd byrjar í starvinum tíðliga í nýggja árinum, skrivar also Runavíkar kommuna á heimasíðuni.