Suðurafrikanski forsetin skuldsettur fyri mutur

Suðurafrikanski forsetin, Cyril Ramaphosa, er skuldsettur fyri mutur og burturflyting. 

Forsetin kann nú vænta at koma fyri ríkisrætt.

Ein dómarakanning staðfestir, at tað eru so nógv prógv í málinum, at farast kann víðari við tí. 

Tað var í juni í ár, at fyrrverandi leiðarin á suðurafrikansku njósnaradeildini meldaði forsetan til løgregluna. 

Innbrot á bóndagarðinum

Leiðarin á njósnaradeildini skuldsetir Cyril Ramaphosa fyri at hava dult eitt innbrot á sínum bóndagarði í 2020, har tjóvarnir, sambært skuldsetingunum, høvdu tikið fýra milliónir dollarar í reiðum peningi, sum forsetin skal hava krógvað í einari sofu. Pengar, sum stava frá korruptión og hvítting. 

Í staðin fyri at melda ránið skipaði Ramaphosa fyri síni egnu kanning. Hann fann tjóvarnar og burturflutti teir, og síðan mutraði hann teir við pengum fyri at tiga, sigur fyrrverandi leiðarin á njósnaradeildini hjá Suðurafrika. 

Seldi neyt

Cyril Ramaphosa sigur sjálvur, at tað bara vóru stolnir 580.000 dollarar, og at hetta vóru pengar, sum hann hevði forvunnið við at selja neyt. 

Suðurafrikanska løgreglan kannar málið, og enn er ákæra ikki reist.