4.500 grønlendskar kvinnur hava rætt til endurgjald

Mikudagin ber til hjá grønlendskum kvinnum at søkja um endurgjald frá danska statinum fyri ósjálvbodnar at fáa snyril ella aðra fyribyrging.

Umsóknirnar verða viðgjørdar frá 1. september, tá lógin væntandi kemur í gildi. 

Lógaruppskotið er komið í fólkatingið.

Tað skal viðgerast í skundi, sigur Ida Auken, heilsu- og kirkjumálaráðharri, við KNR. 

Endurgjaldið er 300.000 kr. í part.

4.500 kvinnur rætt til endurgjald

Danska stjórnin hevur upplýst, at okkurt um 4.500 kvinnur kunnu hava rætt til endurgjald.

Eitt ferðalið verður sent úr Danmark til Grønlands í heyst at hjálpa kvinnum at skriva umsókn um endurgjald.

Danski staturin skipar fyri.

Sambært danska kringvarpinum vera løgfrøðingur, sum eisini er sjúkrarøktarfrøðingur, grønlendskur sálarfrøðingur, tolkur og ein dómari, sum er farin frá við eftirløn, í ferðaliðnum.