Korona: Ikki neyðugt at avbyrgja seg longur

Danska Heilsustýrið javnmetir nú koronusmittuna við aðrar sjúkur, og mælir ikki longur til, at fólk avbyrgja seg, um tey eru smittað.

Tað skrivar stýrið í tíðindaskrivi.

- Tørvur er ikki meira á, at fólk skulu avbyrgja seg í fýra dagar, fáa tey smittuna, sigur Line Raahauge Hvass, eindarleiðari.

Í staðin mælir Heilsustýrið til, at fólk halda seg við hús, gerast tey sjúk.

- Fólk skulu vera við hús, sama um tað er korona, beinkrím ella ígerðarsjúkur í andaleiðini, sigur Line Raahauge Hvass.