Tyrlusimulatorurin nærkast

Í gjár var liðugt at gera 4.200 fermetra stóra grundøkið á vinnuøkinum oman fyri Hotel Vágar byggibúgvið. J&K Petersen hevur gjørt arbeiðið, sum byrjaði í august mánaði.

Tað skrivar Sørvágs kommuna á heimasíðu síni.

Sáttmáli um tyrlusimulatorin var gjørdur millum Atlantsflog og franska felagið Thales Group í juni mánaði, so skjótt hevur verð borið at.

Ætlandi skulu tyrluskiparar úr øllum heiminum har fáa atgongd til framkomnastu tyrlusimulatorvenjingar, sum eru til.

Tyrlusimulatorurin skal eftir ætlan takast í brúk fyrsta ársfjórðing í 2024, og samlaða verkætlanin er mett til at kosta góðar 100 milliónir krónur.