Koronutiltøk aftur galdandi í USA

USA setur nú koronutiltøk í verk móti ferðandi úr Kina.

Frá 5. januar skulu øll sum koma úr Kina til USA kannast fyri koronu tveir dagar undan fráferð. 

Tað siga amerikanskir heilsumyndugleikar, sambært Reuters.

Tiltakið er galdandi fyri vaksin og børn niður í tvey ára aldur.

Eisini Italia hevur sett í gildi koronutiltøk fyri Kina. 

Í Fraklandi hevur Emmanuel Macron forseti heitt á stjórnina um at umhugsa møgulig tiltøk, skrivar tíðindastovan BFM.