- Tíðindi, mentan og ítróttur
Gianluca Vialli er deyður, 58 ára gamal
Gianluca Vialli er deyður, 58 ára gamal
Ein av bestu italsku áleyparunum í fótbólti nakrantíð, Gianluca Vialli, er deyður, 58 ára gamal
Gianluca Vialli elskaði fótbólt og var sum hjálparvenjari við til at føra Italia til evropameistaraheitið í fótbólti í 2021. Nú er hann deyður
Mynd: Ritzau / Scanpix
06.01.2023 - 11:53
Á sumri 2021 var hann partur av venjaratoyminum hjá Roberto Mancini, sum vann evropameistaraheitið í fótbólti við Italia.
Nú er hann deyður, 58 ára gamla italska fótbóltslegendan Gianluca Vialli.
Doyði av krabbameini
Vialli fekk í 2017 staðfest krabbamein í brisinum, men bleiv frískur aftur árið eftir.
Men í desember 2021 kom sjúkan aftur, og hann mátti siga hjálparvenjarastarvið á italska landsliðnum frá sær.
Tað var serliga sum áleypari fyri Sampdoria og Juventus, at Vialli gjørdi vart við seg í áttati- og nítiárunum.
Vialli var við til at vinna italska meistaraheitið við Sampdoria í 1991 og Juventus í 1995, og í 1996 gjørdist hann higartil síðst Juventus-liðskiparin, sum hevur lyft Champions League-steypið.
Gianluca Vialli var yrkisleikari í 19 ár frá gjøgnumbrotinum í Cremonese og inn til hann gavst í Chelsea í 1999.
Samanlagt spældi han 673 dystir og gjørdi 259 mál .
Gianluca Vialli spældi eisini 59 landsdystir fyri Italia og skeyt 16 mál.
Er kopiera
Nýggjastu sendingar í ÚV
Nýggjastu sendingar í SV
