Nú ber til at landa svartkjaft uttanlands

Nú ber til at landa svartkjaft uttanlands
Kunngerðin er lýst, og hon kemur í gildi í morgin
Bíðirøðir hava verið at sleppa framat at landa í Fuglafirði, men nú kunnu svartkjaftaskipini fáa undantaksloyvi at landa uttanlands. (Savnsmynd)
 
11.01.2023 - 15:12

Í morgin ber til at landa svartkjaft uttanlands. 

Dennis Holm, landsstýrismaður í fiskivinnumálum, hevur júst lýst kunngerð, so uppsjóvarskipini fáa undantaksloyvi at landa svartkjaft uttanlands.

Lógin sigur, at landast skal í Føroyum, men nú fáa skipini eisini loyvi til at landa uttanlands til og við 1. mars 2023.

Seinastu dagarnar hava føroysk uppsjóvarskipini fingið nógvan svartkjaft, og tað hevur havt við sær langar bíðirøðir á Havsbrún í Fuglafirði.

Kunngerðin kemur í gildi í morgin.

 

Landaðu 15 ferðir í fjør

Í fjør landaðu átta uppsjóvarskip svartkjaft 15 ferðir uttanlands, tá hetta var loyvt frá 23. apríl til 15.juni.

Tey landaðu 35.682 tons í Danmark, Íslandi og Noregi.

Tað mesta, sløk helvtin, var landað í Íslandi.

Í 2021 landaðu 11 føroysk skip svartkjaft uttanlands.

22 landingar vóru, og landað vóru 54.258 tons.


 

Er kopiera
Nýggjastu sendingar í ÚV
Leygardag 20. apríl
Jambalaja 200424
173993
Leygardag 20. apríl
Upp á tá - 190424
173986
Leygardag 20. apríl
Vikan 20.apríl 2024
173982
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887