Samgongufólk ósamd um fiskavirkisskipanina

Tingfólk í samgonguni eru ikki á einum máli, um tað er rætt at varðveita fiskivirkisskipanina í verandi líki. 

Tað gjørdist greitt, tá ið Sólvit Nolsø, formaður í tingbólkinum hjá Framsókn, Hervør Pálsdóttir, tingkvinna fyri Tjóðveldi og forkvinna í Rættarnevndini, og Jørgen Niclasen, tingmaður fyri Fólkaflokkin, skiftu orð um skipanina í Breddanum fyrrapartin. 

Jørgen Niclasen, Sólvit Nolsø og Hervør Pálsdóttir

Sólvit Nolsø sigur skipanina vera leivd frá aðrari tíð, Hon hevur tænt sínum endamáli, og skal tí takast av. 

Hervør Pálsdóttir er ikki fyri at taka skipanina av, men strangari krøv eiga at verða sett summum virkjum.

Jørgen Niclasen er eisini ímóti at taka fiskavirkisskipanina av, men hon eigur at verða tillagað.

Hoyr innslag í útvarpstíðindunum: 

ALS-stýrið hevur mælt til at broyta skipanina, eftir at útreiðslurnar til fiskavirkisskipanina eru vaksandi, hóast arbeiðsloysið minkar.

Málið kemur í næstum á borðið hjá Ingilín D. Strøm, landsstýriskvinnu í arbeiðsmarknaðarmálum, at taka støðu til. 

Hoyr allan Breddan her.