Triðja byggistig verður 23 milliónir dýrari enn mett

Nú verður farið undir triðja byggistig, tá miðnámsskúlin á Kambsdali verður umbygdur og útbygdur.

Tað kostar 23 milliónir krónur meira enn fyrr mett. Tað var í fjør vár.

Útreiðslurnar til verkætlanina kunnu nú í mesta lagi vera 94 mió. kr.

Uppskotið farið til hoyringar

Tá eru prosjektering og innbúgv tald við. Uppskot um hetta er sent til hoyringar.

Talan er um lógarbroyting, tí í galdandi lóg eru 71 milliónir. 

Men nú koma 23 milliónir afturat, eftir at tilboðini eru komin, sigur Barna- og útbúgvingarmálaráðið.