Hevur forvunnið 40 mió. kr. fyri fyrilestrar og bøkur

Fyrrverandi bretski forsætisráðharrin, Boris Johnson, forvinnur nógv pening fyri at halda fyrilestur og at geva út bøkur.

Johnson hevur fyri stuttum upplýst fyri bretska parlamentinum, at hann hevur fingið 2,5 milliónir pund í undangjaldi, forskoti, fyri fyrilestrar.

Hann hevur fyrr upplýst, at hann forvinnur 1,8 milliónir pund fyri slíkt arbeiði, síðani hann legði frá sær í september í fjør.

Umframt tað hevur hann fingið 510.000 pund í undangjaldi fyri ævisøgu sína, sum skal gevast út í bók.

Tilsamans hevur hann sostatt forvunnið í minsta lagi 4,8 milliónir pund, bara síðani september. Tað svarar til góðar 40 milliónir krónur.