Hálvfimta millión til bygging av kirkjum

Landsstýriskvinnan í almanna- og mentamálum, Sirið Stenberg, hevur skotið upp, at góð hálvfimta millión krónur verður sett av til bygging av nýggjum kirkjum.

Bæði á Glyvrum og á Argjum hevur í fleiri ár verið arbeitt fram ímóti at fáa nýggja kirkju, og væntandi fer landsstýriskvinnan í ár at geva endaligt loyvi til verkætlanirnar.

- Hetta er veruliga eitt stig rætta vegin, sigur Sirið Stenberg.

Hon sigur, at hetta er fyrstu ferð, síðani fólkakirkjan í 2007 kom á føroyskar hendur, at raðfest verður á fíggjarlógini at seta pengar av til at stuðla, at nýggjar kirkjur verða bygdar.

Í fíggjarlógaruppskotinum fyri 2023 eru fýra milliónir og 620.000 krónur settar av til fyrireikingar og prosjektering.