Kvíggjartún liðugt

Heimið í Kvíggjartúni á Argjum til børn og ung við autismu er liðugt. 

Boðið verður til almenna móttøku seinnapartin í dag klokkan trý, men opið hús verður longu frá klokkan eitt.

Í Kvíggjartúni eru seks búplássum, seks umlættingarpláss, ein virkniseind við dagtilboðum til 15 børn og ung og ein starvsfólkaeind. 

Húsið er býtt í tríggjar eindir við smáum spæliøkjum uttanfyri. 

Arbeiðið upp á Kvíggjartún byrjaði fyrst í mai 2021.

Lógaruppskotið um heimið kom í løgtingið fyri trimum árum síðani.

Uppskotið segði, at heimið má í mesta lagi kosta 39 mió. kr.

Kvíggjartún, Heimið í Kvíggjartúni, autismuheimið á Argjum, autisma, Allmannaverkið, 16:9

Ov dýrt

Í lóg frá apríl 2018 vóru 29 mió. kr.

Men tað var alt ov lítið.

Tá verkætlanin var boðin út í januar í 2020, var kostnaðarmetingin 41 mió. kr. 

Og tá tilboðini komu, fór prísurin upp um 56 mió. kr.   

Landsstýriskvinnan í almannamálum tók ikki av nøkrum tilboði.

Nýggj verkætlan var gjørd og boðin út. Og nú ber til at byggja fyri 39 mió. kr. var sagt tá.