Íslendskur ráðharri sjúkrameldaður

Í gjár kunngjørdi Svandís Svavarsdóttir, matvøruráðharri í Íslandi, at hon er sjúkrameldað.

Hon hevur fingið staðfest bróstkrabba, kunngjørdi hon á Facebook..

Katrin Jakobsdóttir, forsætisráðharri, hevur málsøkini hjá Svandís, meðan hon er sjúkrameldað.

Annars hevur Svandís Svavarsdóttir sagt, at niðurstøðan hjá altingsins umboðsmanni um hvalaveiðubannið í fjør gevur ikki orsøk til at gera nakað við málið.

Tað er løgfrøðiliga niðurstøðan hjá aðalráðnum hjá Svandísi Svavars­dóttur.

Hevði ikki lógarheimild

Altingsins umboðsmaður hevur sagt, at ráðharrin hevði ikki lógarheimild til at seta forboð fyri at steðga hvalaveiðuni í fjør.

Hvalaveiðan var steðgað dagin fyri, sum hon skuldi byrja.

Eingin veiða var í slakan hálvan triðja mánað í fjør.

Flokkur fólksins legði í gjár fram uppskot um misálit á ráðharran.

Men tað er nú tikið aftur.