- Tíðindi, mentan og ítróttur
VIDEO: 4. flokkur í Tofta skúla tók øll á bóli
VIDEO: 4. flokkur í Tofta skúla tók øll á bóli
Heilt óvæntað vann ein 4. flokkur kapping í føroyskum dansi, sum var fyriskipað millum skúlanæmingar í sambandi við dansistevnuna í Norðurlandahúsinum seinastu dagarnar
Hundraðtals børn hava seinastu dagarnar dansað og kvøðið í Norðurlandahúsinum
Mynd: Bjarni Árting Rubeksen
08.02.2024 - 15:20
Norðurlandahúsið í Havn hevur seinastu dagarnar verið karmur um stóra dansistevnu.
Skúlabørn um alt landið vóru boðin við, og har gekk mangt fyri seg, eitt nú spurnakapping, dansikapping, nógvur dansur, og eisini vóru søgur sagdar.
Flokkarnir, sum vóru við í dansikappingini, kundu vinna ein túr út at bowla við flokkinum.
Og mánadagin hendi tað óvæntaða, at 4. flokkur í Tofta skúla vann kappingina.
Starvsnæmingar okkara seinastu tvær vikurnar, Poula Hammer úr 10. flokki í Skúlanum við Streymin og Lý Petersen úr 10. flokki í Fuglafjarðar skúla, vóru í Norðurlandahúsinum týsdagin. Tær báðar hava gjørt hesa reportasjuna um dansistevnuna:
20240208_NET_DANSISTEVNA_PRAKTIKANTAR
Dansistevnan helt fram mikudagin, og tá vitjaðu Poula og Lý eisini í Sjónleikarhúsinum í Havn, har 300 børn dansaðu.
20240208_NET_DANSISTEVNA_02_PRAKTIKANTAR
Er kopiera
Nýggjastu sendingar í ÚV
Nýggjastu sendingar í SV
