Ungur orgulspælari fekk gávugóðs

Ari Hammer Joensen, tónleikari, fekk í gjárkvøldið gávugóðs úr Grunni Thorvald Poulsens av Steinum, 40.000 kr.

Ari Hammer Joensen er 19 ár.

14 ára gamal fór hann at spæla orgul.

Hann hevur síðani tikið organistútbúgving hjá Gudmundi Mortensen og tónleikamiðnám. 

Í fjør heyst byrjaði Ari á Musikkkonservatoriinum í Keypmannahavn.

Í grundgevingini hjá nevndini í grunninum stendur millum annað, at umframt eyðsýndu tónleikaevnini hjá Ara, verður virðismett, at ljóðførið er orgul.

Tað er sera sjáldsamt, at ung fólk velja júst hetta ljóðførið. 

Organistar eru trotvøra í Føroyum, eins og nógva aðrastaðni við. 

Sunnudagin spælir Ari Hammer Joensen í Vesturkirkjuni, tá gudstænasta er har.