Stóra hassjmálið: Báðir dømdir langar fongsulsrevsingar

Stóra hassjmálið: Báðir dømdir langar fongsulsrevsingar
Annar maðurin hevur longu sitið dómin, tí hann var so leingi í varðhaldi
Báðir menninir bóðu um tíð at hugsa seg um, antin teir skulu fara í Landsrættin við dóminum. Báðir nokta seg sekar. (Savnsmynd)
 
19.02.2024 - 09:35

Føroya rættur hevur nú tikið avgerð um stóra hassjmálið.

Tveir menn fyrst í tríatiárinum fingu langar fongsulsrevsingar.

Annar fekk trý ár, og hin fekk eitt ár og tríggjar mánaðir.

 

Longu sitið dómin

Tann maðurin hevur longu sitið dómin, tí hann var so leingi í varðhaldi.

Hann var dømdur fyri tíggju kilo, hóast ákæruvaldið vildi hava hann dømdan fyri 15 kilo.

Tann, sum fekk trý ár, er dømdur fyri øll sløku 26 kilo av hassji, sum vóru smuglað til Føroya.

 

Bóðu um umhugsunartíð

Báðir menninir bóðu um tíð at hugsa seg um, antin teir skulu fara í Landsrættin við dóminum. Báðir nokta seg sekar.

Dómarnir eru sambært tí, sum ákæruvaldið kravdi.

Hassjmálið kundi ikki avgreiðast í Føroya rætti í oktober í fjør, tí Føroya rættur var ógegnigur.

 

Søren Seerup setudómari

Setudómari var Søren Seerup, sum kom úr Danmark at døma í hesum málinum.

Menninir blivu varðhaldsfongslaðir í november í 2022.

Annar slapp úr varðhaldinum 27. oktober í fjør og hin 29. november.

Er kopiera
Nýggjastu sendingar í ÚV
Mánadag 19. mai
Morgunlestur mánadagur 19.mai 2025
192051
Mánadag 19. mai
Góðan morgun Føroyar
192041
Sunnudag 18. mai
Bolero
192020
Sunnudag 18. mai
Guðstænasta í Leirvíkar kirkju
192015
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925
Fríggjadag 16. mai
Guðstænasta úr Havnar kirkju
191959