Kim Simonsen í uppskoti at fáa norðurlendsku bókmentavirðislønina

Ein føroyingur er millum teirra, sum eru tilnevnd Bókmentavirðisløn Norðurlandaráðsins fyri 2024, og tað er Kim Simonsen.

Hann er tilnevndur fyri eitt yrkingasavn undir heitinum "Lívfrøðiliga samansetingin í einum dropa av havvatni minnir um blóðið í mínum æðrum," sum kom út í fjør.

Bókmentavirðisløn Norðurlandaráðsins, ið fyrstu ferð var latin í 1962, verður latin verki, sum er skrivað á einum norðurlendskum máli, og sum lýkur hægri bókmentalig og listarlig krøv.  

Tað eru limirnir úr ymsu londunum í dómsnevndini, sum hava tilnevnt verkini til Bókmentavirðisløn Norðurlandaráðsins 2024.