Hevur stóra ávirkan á barnið, um tað ikki fær lesihjálp

- Tað hevur stóra ávirkan á barnið, at tað ikki fær lesihjálpina, sum tað hevur tørv á.  

Tað sigur Sonja Einarsdóttir av Strondum, sum er mamma 10 ára gamlan drong, sum hvørja viku gongur í Lesihúsinum. 

Játtanin til Lesihúsið er skerd 200.000 kr., og tað kemur illa við, tí lesiveik hava brúk fyri nógvari hjálp, sigur forkvinnan og leiðarin í Lesihúsinum.

Skerjingin í játtanini hevur m.a. við sær, at tað ber ikki til at taka fleiri næmingar, sum ætlanin annars var. Eisini verður steðgurin hjá børnunum drúgvari, áðrenn tey byrja aftur.

At summarferian verður longd, hevur stóra ávirkan á eitt barn, sum er orðblint, sigur  Sonja Einarsdóttir.

Hoyr innslag í útvarpstíðindunum: 

Lesihúsið

Lesihúsið heldur til í Tróndargøtu í Havn. (Mynd: Lesihúsið)

Felagið fyri Lesi- og skriviveik var stovnað á fundi í MBF-húsinum (nú MEGD) á heysti 2001.

Tey, sum tóku stig til felagið, vóru foreldur, sum áttu børn, ið høvdu trupulleikar at lesa og skriva.

Felagið kom á fíggjarlógina í 2008.