- Tíðindi, mentan og ítróttur
Týska løgreglan handtikið fyrrverandi lim í Rote Armee Fraktion
Týska løgreglan handtikið fyrrverandi lim í Rote Armee Fraktion
Myndugleikarnir siga, at Rote Armee Fraktion hevur ábyrgdina av, at meira enn 30 fólk eru dripin og 200 særd
Týska løgreglan hevur fleiri áratíggju eftir m.a. Danielu Klette, og nú er hon handtikin. (Savnsmynd: AP)
27.02.2024 - 18:01
Týska løgreglan hevur handtikið Danielu Klette, fyrrverandi lim í vinstra-víðgongda bólkinum Rote Armee Fraktion.
Tað siga trygdarkeldur við týsku DPA-tíðindastovuna.
Myndugleikarnir hava í fleiri áratíggju leitað eftir fyrrverandi limum í Rote Armee Fraktion, eisini kent sum Baader-Meinhof-bólkurin.
Myndugleikarnir ákæra 65 ára gomlu Danielu Klette, Burkhard Garweg og Ernst-Vokler Staub fyri drápsroynd og fleiri grov rán tíðarskeiðið millum 1999 og 2016.
Myndugleikarnir siga, at Rote Armee Fraktion hevur ábyrgdina av, at meira enn 30 fólk eru dripin og 200 særd.
Er kopiera
Nýggjastu sendingar í ÚV
Nýggjastu sendingar í SV
