Nógv fleiri bilar í Sandoyartunlinum enn væntað

Í miðal koyrdu 783 bilar í Sandoyartunlinum um samdøgrið í februar.

Hetta er nógv meira enn væntaða ferðslan.

Metingin segði 300-400 bilar um samdøgrið.

Størri ferðsla í ár

Í øllum undirsjóvartunlinum var ferðslan størri í februar í ár enn í februar í fjør.

Í Eysturoyartunlinum var miðaltalið 5.898. Tað var 5.355 í fjør.

Í Norðoyatunlinum var miðaltalið 4.037. Tað var 3.806 í februar í fjør.

Í Vágatunlinum var talið 2.472. Tað var 2.315 í fjør.