Fleiri danskir pengar til Ukraina

Danska stjórnin hevur í dag kunngjørt 16. hernaðarliga hjálparpakkan til Ukraina.

Hesuferð hevur hjálparpakkin eitt virði upp á 2,3 milliardir krónur, skrivar danska kringvarpið.

- Við hesum hjálparpakkanum veita vit eina týðandi hjálp í frælsisstríðnum hjá Ukrainum við bæði Cæsar artillerískipanum og hartilhoyrandi lóðuri, skrivar verjumálaráðharrin Troels Lund Poulsen í tíðindaskrivi.

Hjálparpakkin er fíggjaður ígjøgnum ukraina-grunnin og Danmark hevur nú veitt ukraina stuðul fyri 39,2 mia krónur, skrivar verjumálaráðið.