Forsetaval í Russlandi í tríggjar dagar

Í dag fara russar á forsetaval. Sitandi forsetin, Vladimir Putin, stillar uppaftur.

Fýra fólk bjóða seg fram sum forsetavalevni. Øll, sum stilla upp, eru jalig mótvegis Vladimir Putin.

Eingi  valevni eru úr andstøðuni. Tey eru annaðhvørt koyrd í fongsul ella farin í útlegd. Ein tann kendasti andstøðingurin, Aleksej Navalnyj, læt lív fyri góðum mánaði síðani. 

Forsetavalið í Russlandi hesa ferð verður í tríggjar dagar,

Tey, sum finnast at valinum siga, sambært danska kringvarpinum, at hetta fer at gera tað torførari at fanga møguligt snýt við atkvøðugreiðsluni. 

Valið, sum byrjar í dag, er tað fyrsta, síðani Russland leyp á Ukraina.