Nú verður verkætlan gjørd fyri Stenomiðstøðina

Bygningurin verður 1.200 fermetrar, sum skulu býtast millum tvær hæddir

Stenomiðstøðin skal byggjast uppi yvir verandi C-bygningi á Landssjúkrahúsinum, høgrumegin á megin. Og miðstøðin skal knýtast saman við B-bygninginum. (Mynd: Diabetesfelagið)

Høgni Djurhuus

18.03.2024 - 09:31

MAP-arkitektar skulu ráðgeva og prosjektera í sambandi við Stenomiðstøðina, sum skal byggjast í Havn.

Samanumtikið var teirra tilboð tað besta, sambært Landsverki.

Tilboðið er 3,8 mió. kr.

Fimm tilboð komu. Vektingin var helvt um helvt ráðgeving og prosjektering og góðska.

Byggjast skal uppi yvir verandi C-bygningi á Landssjúkrahúsinum. Og miðstøðin skal knýtast saman við B-bygninginum.

Steno Miðstøð, Stenomiðstøð, Diabetes

Í løtuni heldur Stenomiðstøðin til í hesum byginginum á sjúkrahúsøkinum.

1200 fermetrar

Bygningurin verður 1.200 fermetrar, sum skulu býtast millum tvær hæddir.

Avtalan um Stenomiðstøðina var undirskrivað 26.september í 2022.

Landsstýrismaðurin í heilsumálum, sum var tá, Kaj Leo Holm Johannesen, bað løgtingið um loyvi at taka móti 121 milliónum krónum frá Novo Nordisk grunninum. Tað fekk hann.

Peningurin skal brúkast árini 2023 til og við 2032 til at fíggja rakstur og íløgur í samstarvinum um millum annað diabetis millum Novo Nordisk-grunnin og Heilsumálaráðið.