Tað verður heitari, vatnstøðan hækkar og vit fáa meira avfall

Seinastu 20-30 árini er vorðið eitt hálvt til eitt heilt stig heitari um okkara leiðir.

Tað sigur veðurfrøðingurin, John Cappelen, sum starvast á danska veðurstovninum, DMI.

john_cappelen.jpg

Hann greiddi frá á Veðurlagsdegnum, sum varð hildin í dag.

Hoyr innslagið í útvarpstíðindunum

Sjey almennir stovnar skipaðu í dag fyri einum veðurlagsdegi í Havn.

Granskarar greiddu frá um veðurlag og veðurlagsbroytingar.

Tað vóru Veðurstova Føroya, Havstovan, Umhvørvisstovan, Landsverk, Tjóðsavnið, Jarðfeingi og Hagstovan, sum skipaðu fyri degnum, har ljós varð varpað á tøl og vitan, sum kunnu lýsa føroyska veðurlagið og veðurlagsbroytingar.