![](https://www.uf.fo/sites/default/files/styles/myndasavn-width/public/screenshot_2024-03-21_113656.png?itok=m5ZgK19C)
- Tíðindi, mentan og ítróttur
U21-fótbóltur: Føroyar torføra uppgávu móti oddaliðnum, Portugal
U21-fótbóltur: Føroyar torføra uppgávu móti oddaliðnum, Portugal
Fyrsti undankappingardysturin hjá føroyska U21-fótbóltslandsliðnum í ár er á skránni í dag, tá oddaliðið, Portugal, tekur ímóti
![](https://kvf.fo/sites/default/files/styles/grein-ovasta-mynd/public/230911_3_2_u21_landslidid_bak_ok.jpg?itok=l8SSTaiE)
Føroyska U21-landsliðið skal í dag spæla á útivølli ímóti Portugal
Mynd: FSF
21.03.2024 - 11:17
Torfør uppgáva bíðar føroyska U21-fótbóltslandsliðnum, sum seinnapartin skal spæla EM-undankappingardyst á útivølli ímóti Portugal.
Portugisar eru fremst í bólkinum við 12 stigum fyri fimm dystir.
Undankappingin byrjaði í fjør, og Føroyar fingu sjey stig fyri sigrar á útivølli á Hvítarusslandi (3-2) og Andorra (1-0) og javnleiki ímóti Andorra á heimavølli (2-2). Hinar báðar dystirnar tapti Føroyar fyri Kroatia (2-4) og Grikkalandi (0-3).
Venjarin hjá U21-landsliðnum, Eyðun Klakstein, hevur verið púra greiður um málið í ár. U21-menninir fara eftir stigametinum og vilja hava 12 stig tilsamans, t.v.s. at í minsta lagi fimm stig skulu á kontuna í ár.
Føroyaska U21-landsliðið í fótbólti liggur í løtuni á 4. plássi í bólkinum. Fimm dystir skulu spælast í ár, og miðað verður eftir 12 stigum tilsamans, eitt stig meir enn U21-stigametið.
Nýggjastu sendingar í ÚV
Nýggjastu sendingar í SV