Tórshavn Open: Jan tók øll á bóli

Tórshavn Open: Jan tók øll á bóli
Jan McIntosh tók øll á bóli, tá hann vann altjóða dartkappingina, Tórshavn Open, sum var á Glasi í Havn í gjár. Føroyingurin vann 5-2 á Edwin Torbjörnsson úr Svøríki
Jan McIntosh tók øll á bóli við sigri í altjóða dartkappingini Tórshavn Open
Mynd: Dartsamband Føroya  
 
24.03.2024 - 14:17

Jan McIntosh vann altjóða dartkappingina Tórshavn Open, sum var á Glasi leygardagin. 

Føroyingurin tók øll á bóli, tá hann vann 5-2 á Edwin Torbjörnsson úr Svøríki, sum vann Tórshavn Open í fjør.

Jan McIntosh var hægst styrkismetti føroyingurin undan kappingini, men hann var nummar átta samanlagt. Ovastu á styrkislistanum var júst svenski mótstøðumaðurin í finaluni.

Har gjørdi Jan McIntosh úr Havnar Dartfelag kortini bart. Hann vann trý tey fyrstu settini, áðrenn sviin minkaði til 3-2. Føroyingurin helt kortini høvdið kalt og tryggjaði sær ein flottan 5-2 sigur.

Næstbesti føroyingurin í kappingini var Petur Grønagarð, sum tapti í fjórðingsfinalunifyri Dilyan Kolev úr Bulgaria.

Hjá kvinnum vann Michelle Merlit úr Danmark 5-3 á bulgarsku Grétu Tekauer í finaluni.

 Eingin føroysk kvinna kom longri enn til áttandapartsfinalurnar, har Kristbjørg Reinert og Nadja Tróndardóttir vórðu steðgaðar.

Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Guðstænasta í Gøtu kirkju.
175298
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Nýggjastu sendingar í SV
Mánadag 20. mai
Andakt við Jógvani Zachariassen
175305
Mánadag 20. mai
Andakt við Derhardi Jógvansson
175303
Sunnudag 19. mai
Guðstænasta úr Gøtu kirkju
175297
Leygardag 18. mai
Dagur og vika - teknmálstulkað
175283