Einsemi og friður eru í dag marglæti

Einsemi og friður eru í dag marglæti
Flottir bilar og dýr sjampanja er ikki tað, sum ovurrík ferðafólk í Føroyum virðismeta hægst í dag
 
09.04.2024 - 14:25

Lekkrar hotellsvitur, flottastu bilarnir og dýr sjampanja. 

Hetta er í nógvum førum tað, vit áður hava sæð, at múgvandi ferðafólk hava lagt dent á, tá ið tey hava ferðast í Føroyum.

Men í dag er støðan ein onnur.

Tey múgvandi ferðafólkini, sum koma til landið, vilja í alsamt størri mun fáa serstakar upplivingar. Upplivingar, sum vit onnur ikki neyðturviliga seta í samband við marglæti. 

Hetta er eisini millum annað tað, sum nýggj vísandalig grein um burðardygga ferðavinnu í Føroyum staðfestir.

- Autentiskar upplivingar er tað, tey vilja hava. Tað vil siga, at vera boðin inn í eitt privat heim, fáa ein vanligan drekkamunn og práta við tann vanliga føroyingin. Ella at sleppa út á fjørðin at fiska í lítlum báti. Tað eru slíkar upplivingar, tey vilja hava og fegin vilja gjalda fyri, sigur Heðin Poulsen frá Remót Travel. Hann hevur drúgvar royndir við at samanseta marglætisferðir til múgvandi ferðafólk.

Eisini Rannvá Poulsen frá 62 Norð Incoming hevur upplivað broytingina, tá ið tað snýr seg um ferðir hjá ovurríkum útlendingum, sum koma til Føroya at ferðast.

- Marglæti er ikki tað, tað hevur verið. Gamaní koma tey ofta í privatflogfari, ferðast kring oyggjarnar við tyrlu, drekka sjampanju og so víðari, men sum heild eru tað tær meira ektaðu upplivingarnar, sum tey vilja hava. Bara tað at ganga úti í náttúruni uttan at verða órógvað av nøkrum, síggja tey sum marglæti, sigur Rannvá Poulsen.

Í morgunsendingini greiða Heðin Poulsen og Rannvá Poulsen frá marglætisferðavinnu í Føroyum.

 

1665589

 

Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Leygardag 18. mai
Jambalaja - 180524
175292
Leygardag 18. mai
Upp á tá - 170524
175288
Nýggjastu sendingar í SV
Sunnudag 19. mai
Guðstænasta úr Gøtu kirkju
175297
Leygardag 18. mai
Dagur og vika - teknmálstulkað
175283
Fríggjadag 17. mai
Veðrið
175269
Fríggjadag 17. mai
Flaggsigling 2019 (2:2) - teknmálstulkað
175216