Nú fara lesandi á heilsuskúlanum í Suðuroy at fáa løn undir útbúgving

Nú skal bera til at ganga á Heilsuskúlanum í Suðuroy, samstundis sum ein fær løn. 

Tað ætlar Djóni Nolsøe Joensen, landsstýrismaður í barna- og útbúgvingarmálum. 

Teir tríggir flokkarnir í samgonguni, Jávnaðarflokkurin, Tjóðveldi og Framsókn, skrivaðu í samgonguskjalið, at "arbeitt verður fram ímóti at tryggja heilsuhjálparum løn undir útbúgving."

Tað er hetta, sum Djóni Nolsøe Joensen nú ætlar at seta í verk.

Enn er tó ógreitt, hvørja løn fólk skulu fáa meðan tey ganga á skúla.

Enn er eisini ógreitt, hvør skal gjalda.