Ísland: Fimm menn og seks kvinnur stilla upp til forsetavalið

Nú eru 11, sum stilla upp til forsetavalið í Íslandi tann 1. juni, fimm menn og seks kvinnur.

Valnevndin kunngjørdi endaliga úrslitið á middegi, og hon góðkendi ikki uppstillingina hjá tveimum monnum.

Annar hevði bara níggju stillarar, og hin kom við talgildari uppstilling, sum ikki er loyvd, og hevði heldur ikki nóg nógvar stillarar.

Hetta er níggjunda forsetavalið Íslandi, og ongantíð eru so nógv uppstillað sum í ár.

Tey vóru níggju í 2016 og seks í 2012.