Átta skip sleppa at royndarfiska eftir toski í Grønlandi

Átta føroysk skip sleppa at royndarfiska eftir toski í landnyrðingsgrønlandi. 

Tað boðar Fiskimálaráðið frá. 

Samlaða kvotan er 1.800 tons. 

Fiskiskapurin verður skipaður sum felagskvota, har hvørt skip í mesta lagi kann fiska 400 tons.

Føroyska luttøkan í royndunum hevur støði í fiskiveiðiavtaluni millum Føroyar og Grønland.