Landsstýrið lænt eina góða milliard

Landsstýrið lænti í gjár 1,1 milliard krónur.

Tað var gjørt við at selja lánsbrøv. 

Lánið er tikið til at rinda aftur lán, 1,1 mia. kr., sum fellur til gjaldingar 2. juni.

Nýggja lánið er eitt fimm ára standandi lán, sum fellur til gjaldingar 24. mai 2029. 

Rentan hækkað

Áljóðandi rentan er 3,25 prosent, skrivar Landsbankin. 

Rentustigið er hækkað nógv síðani juli 2022. Tó er rentan á láninum, sum er tikið nú, eitt vet minni enn rentan var fyri lánið, sum landsstýrið tók í fjør. 

Landsbankin og Nordea Bank fyrireikaðu lántøkuna í gjár. 

Eftirspurningurin eftir landskassans lánsbrøvum var nógv størri enn 1,1 mia. kr., sum brúk var fyri.