Dania O. Tausen: Tað næsta verður ein skaldsøga

Dania O. Tausen varð í dag heiðrað við Ársins Ebbu-virðisløn, sum Rithøvundafelag Føroya letur ungum rithøvundum. 

Í sambandi við handanina segði Dania O. Tausen, at hon nú arbeiðir við at skriva eina ungdómsskaldsøgu, og at hon tí ætlar sær av landinum í eina tíð at hugsavna seg um at skriva.

Virðislønin er uppkallað eftir Ebbu Hentze, sum andaðist í 2015. Í sínum testamenti segði Ebba Hentze, at Rithøvundafelagið skuldi arva hennara pengar, bøkur og aðrar ognir at nýta til stuðul til ungar rithøvundar, ið hava sýnt serligar gávur.

Hetta er sættu ferð, at Ebbu-virðislønin verður latin.

Hoyrið samrøðu við Daniu O. Tausen her