Streymnesmaður: Hvalastøðin við Áir kann draga ferðafólk at sær

- Skal ferðavinnan fáa nakað burtur úr hvalastøðini við Áir, sum kanska er seinasta varðveitta hvalastøð í heiminum, krevjast stórar ábøtur.

Tað heldur streymnesmaðurin, Sakaris Zachariasen, sum um dagarnar bar fram eitt hugskot um at taka ein av gomlu skrokkunum frá til dømis einum bláhvali og byggja hann upp frá botni av.

- So kundu fólk sæð, hvussu stórt hetta djórið er og hvussu tað sá út innan, sigur Sakaris, ið sjálvur minnist tíðina, tá ið hvalastøðin við Áir enn var virkin.

Hoyr innslag í tíðindunum

Sakaris Zachariasen heldur, at ein slík verkætlan saktans kundi verið sett í verk og verið framd eftir tíggju árum ella so.