Fíggjarnevndin hevði flestu fundirnar í tingsetuni

Fíggjarnevndin hevði 31 fundir í hesi tingsetuni.

Hon er tann nevndin, sum hevði flestar fundir.

Vinnunevndin hevði 25 fundir, rættarnevndin 24, mentanarnevndin 13, og uttanlandsnevndin hevði 10 fundir.

Landsstýrismálanevndin hevur fund í morgin.

Nevndin skal avgera, um hon skal viðgera tvær kærur, hon hevur fingið frá tingmonnum.

Árni Skaale hevur kært Dennis Holm, landsstýrismann, um svartkjaftabýtið. Jacob Vestergaard hevur kært Ingilín D. Strøm, landsstýriskvinnu.

Hann sigur, at hon segði ósatt fyri tinginum, tá hon segði, at hon ikki hevði fingið ábendingar um, at tað eru trupulleikar við langtíðarhaldførinum hjá Bústøðum.