Semingsroynd millum FSN og Fíggjarmálaráðið byrjar týsdagin

Á fundi í gjár millum Semingsstovnin og Skipara- og navigartørfelagið var avtalað at fara undir seming í sáttmálatrætuni við Fíggjarmálaráðið týsdagin í næstu viku klokkan eitt.

Tað eru samráðingarnar um skipini hjá Strandfaraskipum landsins, Havstovuni og Vørn.

Semingsstovnurin er eisini komin upp í sáttmálatrætuna millum Maskinmeistarafelagið og Fíggjarmálaráðið, men í løtuni er óvist, nær tann semingin byrjar. 

Formaðurin í felagnum, Arnfinn Bech, sigur, at Maskinmeistarafelagið fer møguliga eisini til seming týsdagin. 

Men tað er semingsmaðurin, sum ræður, og sum kallar inn, sigur Arnfinn Bech.